Kawruh Basa – Contoh sesorah Sumpah Pemuda di bawah ini menggunakan bahasa Jawa krama, sehingga lebih enak didengar khususnya bagi orang Jawa. Contoh pidato Sumpah Pemuda bahasa Jawa ini singkat, padat dan jelas, yang isinya tentang hari Sumpah Pemuda tanggal 28 Oktober yang selalu diperingati oleh bangsa Indonesia.
Untuk mengingat perjuangan para pemuda waktu itu, admin sengaja memposting pidato tentang hari sumpah pemuda tersebut dalam bahasa Jawa. Adapun sesorah tersebut sebagai berikut:
Contoh Teks Pidato Bahasa Jawa Sumpah Pemuda
Assalamualaikum Wr. Wb.
Bapak Kepala Sekolah ingkang satuhu kula bekteni, Bapak/ibu Dwija saha karyawan SMA Negeri 1 Manyaran ingkang satuhu kinurmatan, sarta kanca-kanca ingkang kula tresnani.
Ingkang sepisan sumangga kula panjenengan sedaya ngaturaken puji syukur dhateng ngarasanipun Gusti Allah ingkang Maha Welas Asih ingkang tansah paring nikmat saha rahmat satemah kula saha panjenengan taksih saged pados ngelmu inggih menika taksih saged sinau wonten ing pawiyatan kita menika.
Kaping kalih, nuwun sewu kula sampun kumawantun jumeneng wonten ngarsa panjenengan sedaya saperlu badhe ngaturaken sesorah bab Sumpah Pemuda.
Kula panjenengan sedaya tamtu sampun sami mangertos bilih tanggal 28 Oktober bangsa Indonesia mengeti dinten Sumpah Pemuda. Inggih menika salah satunggaling kedadosan sakral ingkang nedahaken dhateng sedaya tiyang bilih bangsa kita bangsa ingkang anggadhahi semangat juang, semangat nyawiji Bhineka Tunggal Ika, dados bangsa ingkang jumeneng kanthi jejeg.
Wondene wosipun Sumpah Pemuda inggih menika: ;
1) Kami Putra dan Putri Indonesia mengaku bertanah air satu, tanah air Indonesia.
2) Kami Putra dan Putri Indonesia mengaku berbangsa satu, bangsa Indonesia:
3) Kami Putra dan Putri Indonesia mengaku berbahasa satu, bahasa Indonesia
Wosipun sumpah saha prasetya menika wajib kula saha penjenengan sedaya jagi saha dipun warisaken dhumateng putra wayah kagem mujudaken gegayuhan kamardikan saha gesang kanthi gemah ripah loh jinawi tata tentrem kerta raharja, adil saha sejahtera.
Kita minangka siswa nggadahi jejibahan njagi semangat dalah mempeng anggenipun sinau. Minangka pemuda kita ugi kedah semangat saha sregep anggenipun nyambut damel ngisi pambangunanipun bangsa.
Menika ingkang saged kula aturaken ngengingi babagan Sumpah Pemuda. Pramila cekap semanten kemawon atur kula, mbok bilih kathah klenta-klentuning atur kula tansah nyuwun agunging pangaksami. Wassalammuallaikuri Wr. Wb.
Demikian contoh teks sesorah Sumpah Pemuda Singkat Bahasa Jawa semoga dapat membantu anda dalam mencari contoh pidato Sumpah Pemuda bahasa Jawa.
